,,42 მუხლი” შეშფოთებულია გამოცდების ეროვნული ცენტრის ყოფილი თანამშრომლების მიერ გავრცელებული ინფორმაციით, სადაც აღნიშნულია რომ მათზე ზეწოლა და დაშინება ხორციელდება. ეროვნული ცენტრის ყოფილი წარმომადგენლების ინფორმაციით, განსაკუთრებული რისკებისა და საფრთხეების წინაშე შეიძლება აღმოჩნდეს ცენტრის ყოფილი ხელმძღვანელი მაია მიმინოშვილი.

,,კონსტიტუციის 42-ე მუხლი” შესაბამის ორგანოებს მოუწოდებს დაინტერესდნენ აღნიშნული ფაქტით და გამოძიება დაიწყონ. ამასთან, ორგანიზაცია მზად არის გამოცდების ეროვნული ცენტრის თანამშრომლებს შესაბამისი სამართლებრივი დახმარება აღმოუჩინოს.

გამოცდების ეროვნული ცენტრის თანამშრომლებმა დღეს გამართულ პრესკონფერენციაზე პირველად ისაუბრეს მედიასთან მათზე არსებული ზეწოლის ფაქტებსა და სამსახურიდან წამოსვლის მიზეზებზე.

კომენტარები