შსს ინფორმაციით, აჭარის კუდის უფროსის ძმა, ოთარ პატარიძე ფულის გამოძალვის მიზნით მოსკოვში ყავდათ გატაცებული, მაგრამ ვინაიდან ქართულ სპეცსამსახურებს არ ქონდათ საშუალება ჩართულიყვნენ ამ საქმეში და გაეთავისუფლებინათ გატაცებული, გადაწყდა, რომ პატარიძის გასათავისუფლებლად მის ნათესავებს გადაეხადათ თანხა.

“ტელეკომპანია “მაესტროს” ეთერში გასული კადრების შესახებ გვინდა განვაცხადოთ, რომ ეს არის ქართველი კრიმინალების და რუსეთის სპეცსამსახურების მიერ ჩატარებული ოპერაცია. ოთარ პატარიძე ქ. მოსკოვში მართლაც ყავდათ გატაცებული ფულის გამოძალვის მიზნით, რაზედაც საქართველოს შინაგან საქმეთა სამინისტროში 2010 წელს დაწყებულია გამოძიება. გამომდინარე იქიდან, რომ ქართულ სპეცსამსახურებს არ ქონდათ საშუალება ჩართულიყვნენ ამ საქმეში და გაეთავისუფლებინათ გატაცებული, ხოლო ოთარ პატარიძის სიცოცხლეს ემუქრებოდა რეალური საფრთხე, გატაცებულის ოჯახის მოთხოვნით გადაწყდა, რომ გატაცებულის ნათესავს, კერძოდ კი მის სიმამრს, რომელიც ცხოვრობს მოსკოვში გადაეხადა გამტაცებლების მიერ მოთხოვნილი თანხა რათა გაეთავისუფლებინათ ოთარ პატარიძე. გავრცელებულ კადრებში არ არსებობს არცერთი მტკიცებულება, გარდა სასტიკად ნაწამები ოთარ პატარიძის იძულებითი საუბრისა, რომლებიც მიუთითებენ საქართველოს შინაგან საქმეთა სამინისტროს რაიმე სახით მონაწილეობას მკვლელობის დაკვეთაში. ჩვენ ძალიან ვწუხვართ, რომ ტელეკომპანია „მაესტრო” ქართველი კრიმინალების და რუსეთის სპეცსამსახურების მიერ ჩატარებულ ერთობლივ ოპერაციას იყინებს ჩვენი უწყების დისკრედიტაციისთვის”– აღნიშნულია შსს მიერ გავრცელებულ განცხადებაში.

დღეს, ტ/კ “მაესტრომ” გაავრცელა ვიდეომასალა, სადაც საუბარია როგორ დაუკვეთა აჭარის კონსტიტუციური დეპარტამენტის ხელმძღვანელმა, თეიმურაზ პატარიძემ თავისი ძმის, ოთარ პატარიძის მეშვეობით, მოსკოვში, ჩეჩენ ქილერს კრიმინალური ავტორიტეტს, ვატო ყიფიანის მკვლელობა.

კომენტარები