საქართველოს თავდაცვის მინისტრმა, ირაკლი ალასანიამ ავღანეთში დაჭრილი ქართველი სამხედროები მოინახულა. ამის შესახებ ინფორმაცია და ფოტომასალა ირაკლი ალასანიას ოფიციალურ “ფეისბუკის გვერდზე გავრცელდა.

2013 წლის 6 ივნისს ავღანეთში, ჰელმანდის პროვინციაში შვიდი ქართველი სამხედრო მოსამსახურე დაიღუპა, 9 კი დაიჭრა.

ოფიციალური ინფორმაციით, ჰელმანდის პროვინციაში, ქართულ მოწინავე ბაზასთან თავი თვითმკვლელმა ტერორისტმა აიფეთქა. გარდაცვლილები არიან: კაპრალი თეიმურაზ ორთავიძე, კაპრალი გიორგი ადამოვი, პირველი კლასის რიგითი ზურაბ გურგენაშვილი, რიგითი მიხეილ ნარინდოშვილი, რიგითი ბორის ცუგოშვილი, პირველი კლასის რიგითი ზვიად სულხანიშვილი, პირველი კლასის რიგითი გიორგი ღუჭაშვილი.

აღნიშნული ტერაქტის გამო ირაკლი ალასანიამ ბრიუსელში ვიზიტი შეწყვიტა და ავღანეთში გაემგზავრა.

კომენტარები