ფოთის მერი დავით სარსანია TSpress -თან ინტერვიუში მაჟორიტარ ეკა ბესელიასთან არსებულ დაპირისპირებაზე სუაბრობს და “ქართული ოცნების” ადგილობრივი ლიდერის, ირაკლი კაკულიას ბრალდებებს პასუხობს. როგორც სარსანია ინტერვიუში ყვება, ბესელია მას ფოთში, ტაძრის კურთხევის დღის შემდეგ დაუპირისპირდა. მან სარსანიას პტრიარქთან და პრეზიდენტთან ერთად სუფრასთან ჯდომა და პრეზიდენტთან გამოლაპარაკება არ აპატია. სარსნია ბესელიას მხრიდან თვითმმარველობის საქმიანობაში ჩარევაზე საუბრობს. “ნაციონალებთან” თანამშრომლობაზე კაკულიას ბრალდებებს თითიდან გამოწოვილ სისულელეს უწოდებს და ამბობს, რომ ეს მას დაავალეს. ის კაკულიას კანონის დაცვისკენ მოუწოდებს და ახსნებს, რომ მმართველობაში ჩარევს უფლება პარტიას არა აქვს. მისი თქმით, თვიმმართველობა მაჟორიტარზე დამოკიდებული არ უნდა იყოს.

ადგილობრივი ტელეკომპანიის „მეცხრე ტალღის“ ეთერში ირაკლი კაკულიამ ისაუბრა დაპირისპირებაზე და „ნაციონალურ მოძრაობასთან“ გარიგებაში დაგსდოთ ბრალი

-პირადად მე, კაკულიასგან კონკრეტული ვერაფერი მოვისმინე, ვისურვებდი რამე კონკრეტული დაესახელებინა როგორ ვთანამშრომლობ „ნაციონალურ მოძრაობასთან“. მან თუ ჩათვალა და იგულისხმა ის, რომ სამეგრელოს ქუჩაზე ტრალირების მოძრაობით შეწუხებლმა მოსახლეობამ გზა გადაკეტა და ეს თუ მიუთითებს, იმას, რომ მე „ნაციონალებთან“ ვთანამშრომლობ, რაღაც სხვა მიმართულებით იყურება. გულწრფელად ვუთანაგრძნობ.

პირველ რიგში მისი მხრიდან იმაზე საუბარი, რომ მე ვარ ალიანსში „ნაციონალებთან“ არაკორექტულია. ყველამ კარგად იცის თუ რა შრომა ჩავდე, ფაქტიურად ჩემი და ჩემი ოჯახის სიცოცხლე საფრთხის ქვეშ დავაყენე, როცა დავუპირისპირდი ჩვენს რეგიონში და ქალაქში განხორციელებულ კლანურ მმართველობას. მე გავხდი ერთ- ერთი თანამებრძოლი ვინც თავი გადადო და მე ვიყავი ერთ- ერთი მედროშე ამ ბრძოლაში. როცა ჩვენი ქვეყნისტვის გადამწყვეტი ბრძოლა იყო, ალბათ სად იმყოფებოდა კაკულია საზოგადოებას კარგად ახსოვს. (კაკულია ბოლო 4 წელი ბიზნესსაქმიანობით ყაზახეთში იმყოფებოდა ავტ.) არც კი უკითხავს და დაინტერესებულა საქართველოში მიმდინარე მოვლენებით. ჩამოვიდა ხალხის მიერ ბრძოლის შედეგად მიღებულ გამარჯვებაზე და გამარჯვებულის პოზიციას იკავებს თან პირველ ნომრად, სასირცხვილოა, რომ ამ ყველაფრის შემდეგ ის აკეთებს მსგავს განცხადებებს.

-ბოლო წლებში ირაკლი კაკულიას პოლიტიკური ტაიმ – აუტი ქონდა აღებული და ბიზნეს საქმიანობით იმყოფებოდა ყაზახეთში, 4წლის შემდეგ ის საქართველოში არჩევნების დასრულების შემდეგ დაბრუნდა და პირველი განცხადება რაც გააკეთა ეხებოდა მერის პოსტზე კონკურსის გამოცხადებას. ის კონკურსში მონაწილეობას გეგმავდა, თუმცა მოგვიანებით აღარ მიიღო. რადაგნ მერის პოსტზე ბესელიას ფავორიტად თქვენ მოიაზრებოდით, იყო საუბარი, რომ კაკულიას კონკურსში მოანწილეობა ბესელიას გადააფიქრებინა, სანაცვლოდ კი პარტიის ორგანიზაციის თავმჯდომარეობა შესთავაზა. იყო ეს ერთგვარი გარიგება?

-როდესაც ირაკლი ჩამოვიდა საქართელოში, მიუხედავად იმისა, რომ ჩვე ვიცოდით მისი წარსულისა და პოლიტიკური მოღვაწეობის შესახებ ვფიქრობდით, რომ მეტ- ნაკლებად მაინც გამოგვეყენებინა მისი პოლიტიკური ხედვა და შესაძლებლობა რაც მას გააჩნდა. მისი სურვილიც იყო და ჩვენც შევთავაზეთ ის დამდგარიყო ჩვენს გვერდით. მერობაზე კრამდენიმე კანდიდატურა არსებობდა, რომლებიც მონაწილეობდნენ ამ ბრძოლაში, ირაკლისაც შეეძლო მიღო კონკურსში მონაწილეობა, მაგრამ ვფიქრობ, რომ მორალური თვალსაზრისით შესაძლებელი იყო, რომ თავი შეეკავებინა. შემდეგ იყო მეორე ეტაპი ჩვენ დავუახლოვდით ერთმანეთს, მას ეს შანსი მიეცა, მე გადამწყვეტი ხმა მქონდა, მე დავთანხმდი გამხდარიყო ის პარტიის ლიდერი, თუმცა სხვა შეხედულებებიც მქონდა და გაავცანი ქ. ეკას. ყოველშემთხვევაში მოხდა ის, რაც მოხდა.

-ჩვენი გუნდი, ჩვენი მაჟორიტარი – კაკულია, ძირითადად ამ სიტყვებით აკეთებდა განცხადებებს. თქვენ კი ყოფილი თანაგუნდელი გიწოდათ. „ქართულ ოცნებაში“ აღარ რჩებით, ეს ერთგვარი დაპირისპირება იყო პარტიის საქალაქო ორგანიზაციის შიგნით, ფლობენ თუ არა ცენტრალურ ოფისში სხვა ლიდერები აღნიშნულ დაპირისპირებაზე ინფორმაციას?

-ძალიან მაინტერესებს ცენტრალურ ოფისმა თუ იცოდა კაკულიას განცხადების შესახებ, თუ იყო ვინმესთან შეთანხმებული. მე, როგორც ვიცი მსგავსი შეთანხმება არ ყოფილა. სამწუხაროა, რომ ეს ასე ხდება, ყველამ იცის, რომ მე ვარ „ქართული ოცნების“ წევრი, კოალიციის შემადგენელი ნაწილი, რომელმაც ყველაფერი გავიღე,რ ომ გაემარჯვა „ქართულ ოცნებას“ და მომავალშიც ყველაფერს გავაკეთებ ამისთვის

-რას უკავშირებთ ამ დაპირისპირებას? გარდა იმისა, რომ აცხადებს „ნაციონალურ მოძრაობასთან“ გარიგებაში ხართ, ამბობს ქალაქში სამქეებიც არ კეთდება.

-პრობლემა ფაქტიურად არ არსებობს და მას ვიღაცა ძალით ქმნის, ასეთი შთაბეჭდილება მრჩება, რომ ვიღაცას ძალიან სურს, რომ ამღვრეულ წყალში ბევრი თევზი დაიჭიროს. არ ვიცი ვვის აწყობს, ცუდი ხმები, ცუდი ენები… მე ირაკლის რამოდენიმეჯერ ვესაუბრე და ვუთხარი, რომ მე ვარ ქალაქის ხელმძღვანელი და უბრალოდ ვერ დავხუჭავ თვალს უსამართლობასა და უკანონობაზე. ვინც არ უნდა იყოს ის და რა რანგის ადამიანიც არ უნდა იყოს.

-კონკრეტულად ვის და რა უსამართლობაზე გიწევდათ თვალის დახუჭვა?

-არსებობს სხვადსხვა საკითხები, კონკრეტულად თავს შევიკავებ, მაგრამ არსებობს საკითხები, სადაც მიმაჩნია, რომ ზედმეტი ჩარევა არ არის აუცილებელი.

-აქ საუბარია მაჟორიტარზე?

-თუნდაც, ამ შემთხვევაში მე თავს შევიკავებ. როცა კოალიციის წევრები სხდებიან რაღაც საკითხზე სამსჯელოდ, შეიძლება წარმოიშვას განსხვავებული აზრი, ამიტომ მე მიმაჩნია, რომ რას სამართლებრივად სწორი არის ის უნდა მივიღოთ და უკანონობას შევაწინააღმდეგოთ.

-იყო საუბარი, რომ თქვენ დამოუკიდებლად ვერ ღებულობდით გაადწყვეტილებას და ყველა საკითხზე მითითებას მაჟორიტარისგან იღებდით. TSpress -ის ინფორმაციით, თქვენდ შორის ურთიერთობა დაიძაბა საკათედრო ტაძრის კურთხევის შემდეგ, კონკრეტულად, როცა თქვენ და საკრებულოს თავმჯდომარე, დავით ბაბილუა სუფრაზე მოხვდით პატრიარქსა და პრეზიდენტის გვერდით, რამაც გამოიწვია ბესელიას განაწყენება და გისაყვედურათ კიდეც. ამის შემდეგ დაიწყო თქვენს შორის დაპირისპირება?

-ამის შემდეგ ხომ არ წამოვიდა ის, რომ მე „ნაციოანლებთან“ ალიანსში დამადანაშაულეს? არ დავმალავ, სახეზც ეტყობოდა ქ, ეკას განაწყენება. უსამოვნოდ ეჩვენა ის ფაქტი, რომ მე ვიჯექი პატრიარქის გვერდით და იმ სუფრასთან სადაც პრეზიდენტი იჯდა. მე და დავითი (საკრებულოს თავმჯდომარე ავტ) საერთოდ არ ვაპირებდით სუფრასთან დაჯდომას და ვთვლიდით, რომ სტუმრებისთვის, განსაკუთრებით პატრიარქისტვის ყურადღება მიგვექცია, მაგრამ ეს იყო თვითონ პატრიარქის სურვილი და კურთხევა, რომ დავმსხდარიყავით იმ სუფრაზე. ბუნებრივია უარს ვერ ვიტყოდით.

-და ამ დროს მართლა მიიღეთ სასაყვედურე სმს შეტყობინება ბესელიასგან? მისი განაწყენების მიზეზი რა იყო, ის რომ რატომ დაჯქეით პრეზიენტთან ერთად და რატომ გამოელაპარკეთ თუ პატრიარქის გვერდით ჯდომა, რომ მას უნდოდა იმ ადგილას დაჯდომა

-მან არ იცოდა თუ ვისი კურთხევით მოხვდით ჩვენი იმ სუფრასთან. სიმართლე გითხართ განაწყენების მიზეზი და რას ფიქრობს ნამდვილად არ ვიცი. პირადად კითხეთ, ალბათ თვითონ გაგცემთ პასუხს.

მე არც ქ. ეკასთან მაქვს დაპირისპირება, არაკონფლიქტური ადამიანი ვარ.

-ძირითადი პრეტენზია რასაც გიყენებთ კაკულია, ეს არის, რომ ერთპიროვნულ გაადწვეტილებებს ღებულობთ და არ ხდება გუნდთან შეჯერება

-სამწუხაროა, რომ კაკულია ვერ ერკვევა მერის ფუნქციებსა და საკითხებში. როგორ შეიძლება ყოველდღიურად, როდესაც მატერიალური თუ სტაციონალური დახმარებისთვის ათობით ადამიანი მოდის მომართვით როგორ შეიძლება ეს ერთპიროვნულად არ გადავწყვიტო? მე მაქვს პროექტები ქალაქთან მიმართებაში, ჩემი ხედვა მაქვს, რა ტქმა უნდა ვთანამშრომლობთ მაჟორიტართან, ყველას აქვს მაში შესწორების შეტანის უფლება, მაგრამ იმდენად კარგად ვასრულებთ ჩვენს მოვალეობას არამგონია ხშირი შესწორებების შეტანა მოუწიოს ვინმეს.

ჩვენ გვაქვს საკრებულოსთან კარგი ურთიერთობა. წლების განმავლობაში ასეთი ჰარმონიული ურთიერტობა მერია- საკრებულოს შორის არ ყოფილა. დღეს ეს ურთიერთობა დარეგულირდა და ჩამოყალიბდა ერთიანი თვითმმართველობა, რაც როგორც ცანს ვიღაცას არ აწყობს.

მე არ ვიცი ვინ აძლევს ირაკლი კაკულიას დავალებებს, მაგრამ მღცება შთაბეჭდილება, რომ ვიღაცას დალაგებულის არევა უნდა. არავინ არ იფიქროს, რომ ვინმეს არ ეშლება არაფერი მათ შორის შეიძლევა ქ. ეკასაც ძალიან ბევრი რამ შეეშალოს, ბ. ირაკლისაც და მეც. ჩვენ ერთმანეტს უნდა მივუთითოთ.

-ამ დაპირისპირებამდე თვითმმართველობის საქმიანობაში ერეოდა მაჟორიტარი? იყო საუაბრი, რომ ყველა მითითებას ის გასცემდა.

-არ დავმალავ სხვადსხვა ფაქტები არსებობს, კონკრეტულად ახლა არ დავასახელებ, ტუმცა გეტყვით, რომ არც ბიუჯეტის განხილვასა და განკარგვაში არ მიუღია მონაწილეობა, არც კორექტირება არ შეუტანია. არსებობს რაღაც საკითხები, რამაც შესაძლოა გამოიწვია ეს უთანხმოება, მაგრამ ეს არ ნიშნავს, რომ ჩვენ ვართ დაპირისპირებულები. მე ვარ კოალიციის წევრი და როგორ შეიძლება დავუპირისპირდე? შესაძლოა პიროვენებს არ ვეთანხმებოდე კონკრეტულ საკიტხებში, მაგრამ ეს კოალიციასთან დაპირისპირებას არ ნიშნავს.

ჯერ კიდევ საკითხავია სარსანია ვისი თანაგუნდელია და კაკულია ვისი თანაგუნდელია

-იყო საუბარი, რომ მაჟორიტარი ითხოვდა მერიაში ჩატარებული ატესტაციის შედაეგად დაახლოებით 150 თანამშრომელი გაეთავსიუფლებინათ, კომისიისა და ტქვენი გადაწყვეტილებით კი სამსახურს 60 ადამიანი დატოვებს. იყო ბესელიასგან ან პარტიისგან მითითება, რეკოემნდაცია რამდენი ადმაიანი შეგემცირებინათ?

-თავიდანვე ქ. ეკა იძახოდა, რომ ჩვენ არ უნდა დავემსგავსოთ წინა ხელისუფლებას და პარტიული ნიშნით მასიური გათავისუფლებები არ უნდა არსებობდეს. „ნაციონალობის“ ნისნით სამსახურიდან თანამშრომლების გათავისუფლებაზე განცხადებებს კაკულია აკეთებდა, რომ ხელი არ აუკანკალდება, ყველას მინუსი დავუწერე და ა.შ.

მერიაში მომუშავე ადამიამებმა „ქართულ ოცნებას“ მისცეს ხმა, წინააღმდეგ შემთხვევაში იმ შედეგს ვერ მივიღებდით.

-თქვენ თვლით, რომ არა ეს მხარადჭერა ამ ნიშნით შესაძლებელია ადამაიენბსი გათავისუფლება და უფრო მეტი დატოვებდა სამსახურს?

-არა რა თქმა უნდა, მე მინდა კაკულიასაც მივმართო, პარტიული ნიშნით არ შეიძლება ადამაინების დაყოფა. მე ვარ ყველა მერი, ნებისმიერ პოლიტიკური პარტიის წარმოამდგენლის,თუ ადამიანი დამნაშავეა ამას მიხედავენ შესაბამისი სამსახურები. თუ კაკულიას რამე ფაქტები გააჩნია შეუძლია პირდაპირ მიმართოს სამართალდამცავებს და თუ მალავს ისიც პრობლემაა.

– თვქენი მისამართით გამოთქმულ ბრალდებას წინ უძღოდა მაჟორიტარის თათბირი პარტიის წევრებთან, სადაც კაკულია მაჟორიტართან ამტკიცებდა თქვენს „ნაციონალებთან“ თანამშრომლობას. ფიქრობთ, რომ ეს იყო წინასწარ შეთანხმებული მაჟორიტართან თუ თვლით, რომ ეს კაკულიას სუბიექტური აზრია?

-რა საიდუმლო თათბირები იმართება არ ვიცი და არც მაინტერესებს.უამრავი საქმეა მაქვს და მისახედია ქალქზე.

-კაკულიას განცხადებით, სწორედ საქმეებთნ მიმართებაში თქვენ ვერ ასრულებთ თვენ უფლება- მოვალეობს. აღნიშნა, რომ ქალაქში კონკრეტული საქმეები არ კეთდება. მაგალიტად მოიყვანა სამეგრელსო ქუჩა, სადაც სატვირთო ავტომანქნების მოძრაობით შეწუხებულმა მოსახლეობამ აქცია გამართა. მისი თქმით, პრობლემა მოუგვარებელია, ასევე გზის სარემონტო სამუშოებისთვის გამოყოფილი იყო ტრანსფერი, თუმცა მისი თქმით, სამუშაოები არ სრულდება.

-აღნიშნულ პრობლემასთან დაკავშირებით ჩვენ რამდენჯერმე შაუმდგომლობით მივმართეთ ეკონომიკისა და ტრანსპორტის სამინისტროს. ეს არის სახელმწიფო დანისნულების გზა, გამოიყო თანხა, ტენდერი გამოცხადდა, გამოვლინდა გამარჯვებული და დაიწყო სამუშაოები. ეს არ არის ჩვენს დაქვემდებარებაში სამინისტრო თავად ახორციელებს სამუშაოებს. ზოგჯერ დამეკითხოს ხოლმე ბ. ირაკლი ავუხსნი და მერე გააკეთოს განცხადებები.

-კაკულიას განცხადებით, გეგუთის ციხეში გარდაცვლილი პატიმრის ოჯახს არ გაუწიეთ ფინანსური დახმარება

-ჩვენ ყველა შესაძლებლობა გამოვიყენეთ იმისთვის, რომ ოჯახისთვის გაგვეწია დახმარება, მათ შორის ექსპერტიზაზე მგზავრობის თანხები, მიცვალებული სასახლე და 500 ლარის ოდენობით ფულადი დახმარება. ოჯახი ბუნებრივია ითხოვს უფრო მეტს, მაგრამ ჩვენ რაც კანონი ითვალსიწინებდა მაქსიმალური გავაკეთეთ, უკანონო დაფინანსებებს ვერ გავცემდით.

–კიდევ ერთი, რაც თქვენის მხრიდან საქმის არგაკეთების მაგალითად მოიყვანა, ეხებოდა კომპანია “ვისოლს”, რომელსაც წინა ხელისუფლების პირობებში დადებული ხელშეკრულების თანახმად, ერთ–ერთ ვალდებულებად ყოფილი კინოთეატრის შენობის ადგილზე ახალი შენობის მშენებლობის დასრულების შემდეგ, სხვა კინოთეატრის დარბაზი უნდა მოწყობილიყო. კაკულიას თქმით, ამჟამად თქვენთან მიმდინარეობს მოლაპარაკება და თქვენი თანხმობით კინოთეატრი აღარ მოეწყობა. ინვესტორი არ შეასრულებს ნაკისრ ვალდებულებას?

–არა, უბრალოდ ვისოლმა შემოგვთავაზამ რომ ჩვენ შგვეთავაზებინა სხვა შენობა სადაც “ვისოლი” ჯგუფი გააკეტებდა სარემონტო სამუშაოებს და მოაწყობდა მაღალი დონის, თანამედროვე ტექნოლოგიების კინოთეატრს, რასაც საკუთრებაში უსასყიდლოდ გადმოსცემდა თვითმმართველობას. ამ თემაზე მიდის საუბარი, ასეთ დროს ქალაქი უფრო მომგებიან პოზიციაშია. ყოფილი კინოთეატრის ადგილას კი გააკეთებს გასართობ ცენტრს. ასე, რომ შეცდომაშია შეყვანილი კაკულია, დაეკითხა და ვუპასუხებდი.

–კაკულია ითხოვს, მსგავსი სახის და არამარტო, ყველა გადაწყვეტილებსი მიღებაში პარტია ჩართოთ, მათთან შეაჯეროთ თქვენს მიერ მისაღების გადაწყვეტილებები, რამდენად სწორად მიგაჩნიათ, პარტიის ჩართულობა თვითმმართველობის საქმიანობაში?

–არ ვიცი რას გულისხმობს კაკულია ჩართულობაში, მაგრამ არ მიმაჩნია სწორად, რომ ყველაფერში ერეოდეს პარტია, შესაძლებელია რაღაც საკითხებში აზრი დავეკითხოთმ მაგრამ თვითმმართველობა არის თვიმმართველობა, მასში ჩარევის უფლება, მმართველობაში მიიღოს მონაწილეობა რასაც ითხოვს კაკულია არც პარტიას და არც მაჟორიტარს არა აქვს.

–წინასაარჩევნო და შემდგომ პერიოდში, “ქართული ოცნება” თავის მხარდამჭერებს დასაქმებას დაპირდა, ახლა როცა კონკურსის გამოცხადებამდე დროებით მოვალეობის შემსრულებლად თქვენ ნიშნავთ კადრებს, თუ მოგთხოვათ პარტიამ ან ვინმეს თუ გაუწია რეკომენდაცია ამათუიმ ადგილას დაგენიშნათ მათთვის სასურვველი კადრი?

–ჩვენგანა წაიღეს შემცირებულთა და ვაკანსიების სია, შემდეგ მითხრეს, რომ წარმოადგენდნენ საკუთარ კანდიდატურებს, მეტნაკლებად ვფიქრობ ამ თემაზე, მაგრამ სხვებსაც უნდა მიეცეთ შესაძლებლობა მოხდნენ ამა თუ იმ თანამდებობაზე, ამისთვის ყველაზე კარგი გზა კი კონკურსია. მე არ ვჩქარობ თუნდაც მოვალეობის შემსრულებლად დავნიშნო კადრები, თქვენ იცით, რომ ვიცე მერიც ბოლო პერიოდშიც დავნიშნე, იმდენად ვფრთხილობ

–3 თვის ლოდინის შემდეგ ვიცე მერის დანიშვნა ხომ არ უკავშირდებოდა იმას, რომ ეკა ბესელიას დაასწარით საკუთარი კადრის დანიშვნა, ლაშა კუპრეიშვილი თქვენი მეგობარია.

–არ ვიცი რამდენად ქონდა ბესელიას ამის სურვილი, მაგრამ მიმაჩნია, რომ კადრებს მაჯორიტარი კი არა მერი უნდა ნიშნავდეს.

– მერად დანიშვნამდე და მას შემდეგაც, თქვენ ეკა ბესელიას მაჟორიტარობას უნიკალურ შემთხვევას უწოდებდით და აღნიშნავდით, რომ ტრანსფერის მოზიდვაში მაჟორიტარის იმედი გქონდათ. ამჟამად თქვენს შორის არსებული დაპირისპირება ხომ არ შუშლის ხელს ქალაქის საქმეებს, თუნდაც ფინანსების მოზიდვის კუთხით? ირაკლი კაკულია აცხდებდა, რომ არის ინვესტორები, მაგრამ თქვენს ხელისუფლებაში ყოფნის გამო ვერ ხერხდება განხორციელება. მისი თქმით, მან და ბიუროს წარმომადგენლებმა გამართეს ინვესტორებთან შეხვედრენი. თქვენის მხრიდან რა შეიძლება იყოს ხელიშემშლელი ფაქტორი?

–ეს ყველაფრი თითიდან გამოწოვილი სისულელეა, რომ მე ვუშლიდე ხელს ინვესტიციების განხორციელებას. არ ვიცი ვინ ინვესტორები იყვნენ ჩამოსულები, მაგრამ ჩემიინფორმაციით ისინი შეხვდნენ. ეს თუ ასეა სირცხვილია, თუ ინვესტორი მოდის ბუნებრივია ქალაქის ხელმძრვანელობა, მერი, საკრებულოს თავმჯდომარე უნდა შეხვდეს. თუ ვინმე ბიუტიაობას აგრძელებს ეს მათი პრობლემაა.

– ანუ მსგავსი ქმედებებით მათი მხრიდანა ქვს ხელშეშლას ადგილი, რომ პარტიისა და ბიუროს ხელმძღვანელობა მასპინძლობს ინვესტორს და ხელისუფლებამდე არ უშვებს?

–კი, რა შუაშია ბიუროს და პარტიის ხელმძღვანელი ინვესტორთან? ქ. ეკა ბესელიას როლი არის ძალიან მნიშვნელოვანი სხვადსხვა საკითხებში. ინვესტორის და თუნდაც ფინანსების, ტრანსფერების მიღება მხოლოდ მაჟორიტარზე რ უნდა იყოს დამოკიდებული. ჩვენ ვთანამშრომლობთ ფინანსთა, ეკონომიკისა და რეგიონული განვითარების სამინისტროსთან. მისი როლი მნიშვნელოვანია, მაგრამ მაინცადამაინც თვითმმართველობა დამოკიდებული არ უნდა იყოს მაჟორიტარზე. მას აქვს სხვა ძალიან მნიშვნელოვანი საქმეები ქალაქთან მიმართებაში, იგივე კანონებთა მიმართებაში.

კომენტარები