„სამწუხაროდ, პარლამენტში არიან ადამიანები, რომლებიც, უბრალოდ, ხულიგნობით არიან დაკავებულები, არიან შავი მენტალიტეტის მქონე და როდესაც საერთოდ არ გააჩნიათ არგუმენტი ან ტყუილები უნდა მოიგონონ და ცილი დასწამონ კოლეგებს, ან – როცა საკადრის პასუხს მიიღებენ შეურაცხყოფის შემდეგ, წამოვიდნენ მუშტი-კრივზე. იქაც მიიღებენ საკადრის პასუხს, როგორც მოხდა დღეს,“- განაცხადა გიორგი ბარამიძემ ინგა გრიგოლიას გადაცემა „დიდ პოლიტიკაში“.

მისივე თქმით, ხელისუფლება ცდილობს ოპოზიცია სტრესის ქვეშ ამყოფოს და ქვეყნისთვის მნიშვნელოვანი საკითხების მოგვარებაზე ზრუნვაზე ხელი ააღებინოს.

შეგახსენებთ: პარლამენტში დეპუტატებს შორის დღეს ფიზიკური დაპირისპირება მოხდა. დეპუტატებს შორის შეხლა-შემოხლის მიზეზი უმრავლესობის წევრი დეპუტატის სოსო ჯაჭვლიანის განცხადება გახდა.

“ნუ ბლატაობ, შე ჩმორო”, – მიმართა ჯაჭვლიანმა ბარამიძეს, რის შემდეგაც პარლამენტის თავმჯდომარის მოთხოვნით მას მიკროფონი გამოურთეს. დარბაზში კი დეპუტატებს შორის მუშტი-კრივი გაიმართა.

კომენტარები