ფოთში, 30 წლის გიორგი გრაფიშვილის ძებნა უშედეგოდ გრძელდება. გრაფიშვილის დედის, ზოია გრაფიშვილის განცხადებით, გიორგი სახლიდან 9 დღის წინ გავიდა და მას შემდეგ არავის უნახავს.

დაკარგულის დედა ვარაუდობს, რომ ის ვინმეს ოჯახშია შეკედლებული და ოჯახთან დაკავშირებას ითხოვს. გრაფიშვილების ოჯახი ფოთში შავი ზღვის ქუჩაზე ცხოვრობს.

ოჯახმა აღნიშნულის შესახებ სამართალდამცავებს მეორე დღესვე შეატყობინა, თუმცა გრაფიშვილის ძებნა ამ დრომდე უშედეგოდ გრძელდება.

ზოია გრაფიშვილმა შვილის დაკარგვის შესახებ ყველა ცენტრალური არხით გააკეთა განცხადება.

კომენტარები